Angel, ‘di na magagawa ang Darna?

HOY bakit naman kung ipinaputol na nga ni Angel Locsin ang kanyang mahabang buhok? Actually mas nagmukha siyang bata ngayong maikli na ang buhok niya. Bago iyan, nagkaroon nga kasi ng tsismis na nalulugas ang kanyang buhok dahil sa ginawang treatment ng isang hair clinic. Mukhang hindi siya hiyang doon sa nagamit na mga chemical siguro sa kanyang buhok.

Kung ang solusyon nga ay magpagupit muna siya, na bumagay din naman sa kanya eh ano nga ba ang problema?

Mukhang hindi na rin naman magagawa iyong kanyang proyektong Darna, at kung sakali man, madali naman sigurong gumamit muna siya ng wig kung hindi pa mahaba ang buhok niya. Pero sa tingin namin, bagay naman sa kanya ang maikling iyong buhok talaga.

HATAWAN – Ed de Leon