Pornhub, ipinagbabawal na sa ‘Pinas

TIYAK magtatatalon na ngayon sa tuwa ang mga artistang may nagkalat na sex video. Aba sunod-sunod na kumalat noong nakaraang taon ang mga sex video lalo na ng mga artistang lalaki. Eh ngayon, ipinagbabawal na sa Pilipinas ang porn site na Pornhub, na makikita rin ang mga video ng celebrities na iyan. Mayroon silang category na tinatawag nilang “Pinoy scandal” na naipon ang lahat ng mga celebrity scandal ng mga Pinoy.

Ang pagbabawal ay ginawa matapos na may inilabas pang survey ang nasabing porn site na nagsasabing ang pinakamatagal na naglalagi sa kanilang porn site at nanonood ng sex video ay mga Pinoy, na sinasabi pa nilang naglalagi sa kanilang porn site ng average na 12 minuto araw-araw. Dahil diyan isa sila sa ipinaba-ban na sa Pilipinas bilang pagsunod din sa RA 9775 o lalong kilala sa tawag na Anti Child Pornography Law.

HATAWAN – Ed de Leon