HATAW! D'yaryo ng Bayan hatawtabloid.com
ANG tindi ng nangyari kay Imelda Schweighart. Nag-resign na siya ngayon bilang Miss Philippines Earth, matapos na masangkot sa isang controversy nang may maglabas sa social media ng isang video na sinasabi niyang ang nanalong si Miss Ecuador ay ”fake ang ilong, fake ang baba, fake pati boobs”. Na inamin naman niyang sinabi niya out of disgust.
Iyang si Imelda, nag-showbiz iyan noong araw. Kasama siya roon sa Bagets Just Got Lucky na inilabas sa TV5, at naging co-host din ni Willie Revillame. Imee Hart ang ginagamit niyang pangalan noon.
Nakahihiya talaga ang nangyaring iyan, lalo na’t kung iisipin na ang Pilipinas pa naman ang host ng Miss Earth pageant ngayong taong ito. Pero nangyari lang iyan dahil sa kawalan ng proper protocol.
Nagsimula lang iyan sa isang social media blogger. Kinunan ng video si Imelda na hindi niya akalaing ilalabas sa social media. Ang mentalidad naman siguro niyong kumuha ng video, kontrobersiyal iyon at hindi niya inisip kung ano ang kahihinatnan. Hindi mo rin naman masisisi, kasi hindi naman iyan isang lehitimong peryodista na nag-iisip kung ang gagawin ba niya ay ano ang epekto, o kung ang pagkakakuha ba niya ng istorya ay nasa tamang protocol.
Ganyan ang peligro talaga ng social media, dahil ang karamihan sa mga bloggers, hindi kagaya ng mga lehitimong reporters na alam ang kanilang responsibilidad. Sige, blog pa more.
HATAWAN – Ed de Leon
