Kris at Ryzza, may partisipasyon ba sa movie ni Vic sa MMFF?

HINDI na raw malaking sorpresa kung sakaling isama sa isang pelikula ang AlDub team na sina Alden Richards at Maine Mendoza. Bago pa naman daw pumutok ang team ng dalawa sadyang pinag-iisipan ng isama ang dalawa sa darating na pang-MMFF.

Natural, discovery ng TAPE Inc., si Maine kaya kasali sila ni Alden sa Entengseries ni Vic Sotto.

Ang tanong lang, paano kaya si Ryzza Mae Dizon na rating paborito at kasali lagi sa pang-festival ng APT Film?

May tanong din kung kasama rin ba si Kris Aquino  sa movie tulad ng nabalita noon?

Naku talagang hangga’t hindi nagsisimula ang shooting walang makapagsasabi kung kasali sa cast o sa kuwentuhan lang.

Si Ryzza kasi ay hindi na bata hindi naman dalaga. Saan kaya siya isasalang na eksena?

Dapat tandaan, malaking tulong ang bata noong nagdaang festival dahil sikat na sikat siya.

SHOWBIG – Vir Gonzales