Karla, sobra-sobra ang pasasalamat sa rami ng blessings

SINAMAHAN ko si Queen Mother Karla Estrada the whole day of Wednesday mula sa kanyang paghuhurado sa daily noontime show ng Kapamilya Network na It’s Showtime  hanggang sa Push Awards 2016.

Halatang busy naman talaga si Karla sa kanyang career ngayon at kitang-kita ko ang kanyang dedikasyon sa trabaho kahit noon pa man. Nakatutuwa lang isipin that she’s making waves ngayon sa kanyang showbiz career sa bakuran ng ABS-CBN.

Nang kumustahin ko si Karla, agad nitong sinabing masaya siya sa itinatakbo ng kanyang career lalo na sa kanyang anak na si Daniel Padilla.

“Sobrang blessed lang talaga tayo Dom. Napakaraming biyayang dumating at dumarating, tuloy-tuloy na happy lang tayo at positive sa lahat ng bagay sa buhay. Nakita mo naman ang nangyayari kay DJ, so, hindi na tayo dapat nagrereklamo kundi patuloy na pasasalamat sa Panginoon dahil alam naman nating lahat na sa kanya naman lahat nanggaling ang mga biyayang ito,” aniyang mahabang tsika pa sa akin inside her dressing room.

After It’s Showtime ay pahinga lang siya ng dalawang oras at takbo naman kami sa Dolphy Theatre ng ABS-CBN para sa isang award na halatang excited din ang Queen Mother.

Yes! Nanalo nga siya bilang Most Popular Celebrity Mom sa katatapos lang na Push Awards 2016!

“Thank you ABS-CBN! Thank you sa inyong lahat na bomoto sa akin. Sa lahat ng KathNiel sa buong mundo! Maraming, maraming salamat talaga,” bahagi lamang ng kanyang speech habang hawak-hawak ang  trophy.

Nabanggit lang ni Queen Mother na mahalaga pala talaga na nasa awards night ang isang nominado para kung siya man ang manalo ay napakagandang siya mismo ang umakyat sa entablado at tanggapin ang tropeo at ito raw ang kanyang naging pulot of the day.

Masayang ibinalita rin sa akin ni Queen Mother na masayang-masaya silang tatlo nina Melai  Cantiveros at Jolina Magdangal kasama na ang buong production staff and crew ng daily morning show nilang Magandang Buhay dahil patuloy ang nakukuha nilang mataas na ratings nationwide.

Ako na ang magbabalita sa inyo guys, basta, may magandang balita kina Queen Mother at Carmela Soon! Stay happy and blessed everyone!

REALITY BITES – Dominic Rea