HATAW! D'yaryo ng Bayan hatawtabloid.com
HINDI namin maipinta ang tuwang naramdaman ng KathNiel nang manalo sila individually and as loveteam sa tatlong tatlong kategorya sa katatapos na Push Awards 2016 na ginanap sa Dolphy Theatre.
Sabay dumating sina Daniel Padilla at Kathryn Bernardo sa ABS-CBN. Agad ko namang napansin ang mga suot ng dalawa. In fairness, kahit anong ipasuot mo sa kanila ay keribels ito ng ating Teen King and Queen!
Anyways, pagpasok pa lang ng dalawa sa lobby ng ABS-CBN ay nagkagulo na ang mga utaw. As usual kaya naman sumimple nalang kami sa tabi habang pinapapasok muna ang dalawa sa kanilang standby room. Hanggang sa pumasok na nga sila sa Dolphy Theatre at nabulabog na ang buong theatre dahil sa hiyawan ng kanilang fans.
Kahit saang anggulo, kapag magkasama talaga ang dalawa ay ramdam mo ang kilig. Lalo na noong magkatabi silang nakaupo sa may bandang harapan at halos sila na lang ang pinagtitinginan.
What made me touched that night ay ang napakagandang binitiwang salita ni Daniel para sa kanilang fans during his speech.
Pinasalamatan ni Daniel ang lahat ng KathNiel sa buong mundo na ikinagulat ng marami ang pagbanggit niya sa Liz-Quen at JaDine fans na kung hindi dahil sa fans na ito ay hindi magtatagumpay ang tambalan nilang KathNiel.
Super touching na hindi ko sukat akalaing sasabihin ni DJ sa kanyang speech. Diyan kami saludo sa KathNiel…walang masamang tinapay kundi mabuti lang palagi.
We love you KathNiel, always and forever!
REALITY BITES – Dominic Rea
