HATAW! D'yaryo ng Bayan hatawtabloid.com
NAPUNA lang namin, mas maraming magagandang comments sa ipinakitang acting ng actor na si Daniel Padilla sa kanilang huling pelikula kaysa ka-love team na si Kathryn Bernardo. May mga nagsasabi pang sa love team nila, si Daniel ang talagang nagdadala.
Ganoon din naman ang sinasabi nila sa JaDine, na tangay lang ng popularidad ni James Reid ang ka-love team na si Nadine Lustre.
Baliktad naman sa AlDub na sinasabing matagal nang artista si Alden Richards pero hindi napansin hanggang sa dumating si Maine Mendoza. Pero wala namang makapagsasabing sisikat din ng ganyan si Maine kung wala si Alden.
Kanya-kanyang grupo pa rin kasi iyan ng fans kahit na sila ay magka-love team. Bagamat masasabi ngang karamihan ay fans ng love team, hindi maitatanggi na may kanya-kanya pa rin silang fans na walang pakialam kung sino man ang itambal sa kanilang idolo. Eventually ang fans na iyan ang mas kailangan ng mga artista dahil hindi naman puwedeng manatili ang isang love team habang panahon. Pagsasawaan din naman iyan ng mga tao kung sila na lang ng sila.
Roon naman natin malalaman kung sino talaga ang mas sikat at mas matibay.
HATAWAN – Ed de Leon
