Ratings ng Encantadia, unti-unti nang tumataas dahil kay Alden

MASAYA ang mga taga-Kapuso Network dahil nahila paitaas ni Alden Richardsang teleseryeng Encantadia.

Rati kasing napag-iiwanan ng FPJ’s Ang Probinsiyano  ang serye dahil may iba’t ibang guests everyweek kaya nagdesisyon ang GMA na ipasok ang pinakapaborito nilang artista.

Tipong hindi na nga gustong pakawalan ng network ang taga-Sta. Rosa, Lagunang actor. Pinapirma muli ito ng limang taon kamakailan. Ang problema lang, hindi nila solo ang pagpapasikat kay Alden dahil Eat Bulaga ang nagpaputok ng ngalan ng actor.

Ilan bang teleserye at pelikula na ang ibinigay muna kay Alden noon  pero wala namang reaksiyon sa publiko. Itinambal nga siya kay Marian Rivera noon pero wala pa ring nangyari. Mabuti na lang at isinali sa Kalyeserye ng EB at pumutok ang pangalan nang itambal kay Yaya Dub Maine Mendoza.

Nakababahala lang kung bakit may mga nakakaalarmang death threat kuno si Alden. Hindi ba sila natatakot sa ating administration ngayon?

Well, dapat iwasan ang ganitong pananakot kasi wala namang resulta sa binabantaan.

SHOWBIG – Vir Gonzales