Pagdagdag ng character sa serye, ‘di solusyon sa pagtaas ng ratings

MABILIS naman palang nag-apologize iyong TV writer na nagsabing walang nagbabasa ng mga tabloid. Nagpaliwanag din siya na hindi naman niya nilalahat, at iyon ay patungkol lamang sa isang writer na nilait naman kasi ang kanyang pagkatao. Siguro nga hindi naman niya intention na awayin ang lahat, mali nga lang ang pagkakasabi niya.

Anyway, nabanggit na lang din iyan, gusto naming banggitin na sa kanilang serye, isinama na nila si Alden Richards bilang isang bagong character. Wala naman silang sinabing may plano rin silang gumawa ng sequel niyong Mulawin, pero walang dudang ang pagkakasama ni Alden sa serye ay para mas makabatak pa sila ng mas maraming audience, at mas mataas na ratings.

Malaking sugal iyan para kay Alden. Paano kung hindi rin niya mabatak ang ratings ng serye? Sasabihin na naman ng iba “mahina na pala si Alden”. At ano ang gagawin nila kung mangyari ang ganoon? Gagawin naman nilang isang sangre si Maine Mendoza?

Palagay namin, hindi iyang pagdaragdag ng characters ang solusyon sa problema nila. May iba pa silang magagawa. Pero hindi na namin sasabihin kung ano, kasi hindi naman pala sila nagbabasa ng tabloid eh, sayang lang kung sasabihin pa namin.

HATAWAN – Ed de Leon