HATAW! D'yaryo ng Bayan hatawtabloid.com
ISA sa aabangan sa bagong movie offering ng Regal Entertainment ang My Rebound Girl na pinagbibidahan nina Alex Gonzaga at Joseph Marco at mula sa mahusay na direksiyon ni Emmanuel Dela Cruz na mapapanood na sa September 28 ang espesyal na partisipasyon ni Luis Manzano.
Napapayag daw na maging special guest sa launching movie ni Alex si Luis dahil magkaibigan ang dalawa at balita namin ay libre at hindi raw nagpabayad ang anak ni Cong. Vilma Santos.
Bukod kay Luis, nag guest din sa My Rebound Girl ang iba pang kaibigan ni Alex na sina Ryan Bang at Dominic Roque na kapareho ni Luis ay libre rin at ‘di nagpabayad.
Napanood namin ang trailer ng pelikulang ito at mismong kami ay napatawa sa husay at napakanatural na komedyante ni Alex dagdag pa ang mahuhusay na co-stars at magandang pagkakagawa ni Direk Dela Cruz.
MATABIL – John Fontanilla
