HATAW! D'yaryo ng Bayan hatawtabloid.com
PRODUKTO ng It’s Showtime ng Kapamilya Network si Richard Parojinog bilang si Mr. Pastillas 2015. Hindi ko matandaan kung ilang buwan ko na siyang inaalagaan. Pero ang natatandaan ko ay ang petsang ito, September 16, na tuluyan na ngang pumirma ang alaga ko ng one year Digital (Optional) Contract bilang recording artist ng Ivory Music & Video.
Actually, nasa Midsayap ako noong matanggap ang text ni Sir Jon Daza ng Ivory Music na approve na si Richard sa aming big boss. Kaya naman noong ibinalita ko ito kay Richard ay tuwang-tuwa gayundin ang kanyang supporters and followers na laging nariyan for the past one year to support him huh.
Isang exclusive contract po ito na magre-record na si Mr. Pastillas ng kanyang kauna-unahang digital single under Ivory Music & Video. Ilang buwan ko rin itong ipinaglaban at ipinagdasal dahil alam kong this will be the start para sa mas marami pang opportunities kay Richard.
Ayon sa mga kaibigang nakausap at nagparating ng kanilang pagbati, deserving naman si Richard dahil unang-una, napakalinis at napakaganda ng kanyang boses. Pangalawa, guwapo ito at maipagmamalaki ang physical look.
Abangan po ninyo ang kanyang digital single guys at kapag nandiyan na ay i-download po natin ha para kumite.
I just wanna say thank you sa Ivory Music sa tiwalang ibinigay ninyo sa aking alaga. Thank you Jon Daza at Gina Mauricio Joyce, at Ate Grace Lapuz and Kuya Fil.
REALITY BITES – Dominic Rea
