Daniel, hahatulan na, siya na nga ba ang susunod na Aga Muhlach?

MALALAMAN natin kung magiging totoo ang sinasabi ni direk Olivia Lamasan na si Daniel Padilla ang susunod na Aga Muhlach. Palabas na ang kanilang pelikulang Barcelona. Makikita natin kung ganoon nga katindi ang acting na mailalabas ni Daniel.

Hindi naman lahat ng roles na kanyang ginawa sa pelikula ay mabibigat, pero si Aga kasi iyong lahat yata ng role nabigyan ng mahusay na performance. Hindi siya iyong naghahabol ng best actor award, pero ang naipakikita niya ay sensitibong acting. Iyan ang hahanapin natin ngayon kay Daniel.

Hahanapin din  natin iyong tindi ng following ni Aga. Si Aga ay sinusundan ng fans hanggang ngayon dahil sa kanyang performance, hindi lamang dahil sa pogi siya. Malalaman natin iyan sa Barcelona.

HATAWAN – Ed de Leon