Elmo, nahasa ang acting skills nang lumipat sa Dos

ISANG bonggang pasabog na finale ang inihanda ng Dreamscape para sa pagtatapos ng Born For You nina Elmo Magalona at Janella Salvador ngayong Biyernes na gaganapin sa Kia Theatre.

Ito mismo ang inamin sa amin ng dalawang sikat na bidang bagets sa  serye nang sadyain namin ang buong cast sa isang media visit sa BenPress-Ortigas.

Ayon sa dalawang bida, naging malaking bagay sa kanilang dalawa ang serye dahil lalong nakilala ng dalawa ang isa’t isa. Mas lalo ring naging close ang dalawa.

Masaya ring ibinalita ng dalawa na kahit matatapos na ang kanilang serye, nangako ang Dreamscape na may follow-up ito. Napansin lang namin ang pagiging guwapo lalo ngayon ni Elmo na simula nang lumipat sa Kapamilya Network ay lalong nagkaroon ng buhay ang  imahe lalo na ang pagiging aktor nito huh!

Hindi ko sinasabing magaling na siyang aktor kundi unti-unti nang nahahasa ang kanyang husay na hindi natin nakita noonng nasa kabilang network pa siya.

Well, wish ko na sana makabingwit ng isang malaking proyekto ang papasikat na aktor dahil promising naman talaga siya at pantasya na ngayon ng mga badidang noh.

Huwag niyo na akong tanungin kung bakit. Alam na.

REALITY BITES – Dominic Rea