Sabrina’s all original album, ire-release rin sa iba’t ibang Asian countries

MULA sa successful acoustic album na ‘di lang sa Pilipinas bumenta maging sa Thailand, Malaysia, Indonesia, Korea, at Japan, isang all original album naman ang hatid ni Sabrina sa kanyang fans. Ito ay mula sa MCA, ang Sab Album.

At katulad ng kanyang mga naunang album (Sabrina I Luv Acoustic), iri-release rin ito sa iba’t ibang Asian countries.

“Ang original plans talaga ng MCA ay i-release lang ito sa Pilipinas, pero nang i-post ko sa social media, maraming fans ko sa Indonesia at sa ibang bansa ang nagtampo at nagsabi na bakit hindi iri-release sa country nila?

“Kaya naman napagdesisyonan ng MCA na i-release na rin ito sa iba’t ibang Asian countries katulad ng mga nauna kong album. Actually released na rin ito sa mga bansa na ini-released din ‘yung ‘I Luv Acoustic’.

“Ang pagkakaiba nga lang ng album ngayon lahat ng kanta original, bale ako ang sumulat ng seven songs, ‘yung isa lang ang hindi ang gumawa lang naman ay si Diane Warren.

“Sana katulad ng pagsuporta nila sa mga nauna kong album, sana suportahan din nila ‘yung bago kong album,” pagtatapos ni Sabrina.

MATABIL – John Fontanilla