James, give-up na kay Bimby

MASAKIT pakinggan ang sinabi ni James Yap na sa ngayon ay give up na siya sa anak na si Bimby. Sinasabi niyang sinisikap niyang makausap man lang iyon, pero mukhang wala siyang magawa. Mukhang nalalayo na sa kanya talaga ang bata. Kahit na mayroon siyang visiting rights sa kanyang anak, hindi naman nangyayari iyon.

Pero kung masakit iyon para kay James, ang mas masasaktan diyan ay iyong si Bimby.

Tanggapin natin ang katotohanan, ang isang bata ay dapat na lumaking kasama ang kanyang ama at ina. Kung sakali man at malagay sa sitwasyon na nagkahiwalay ang ama at ina, dapat nadarama pa rin ng mga anak ang kalinga ng kanyang mga magulang. Hindi puwede na tatay lang, o nanay lang. Hindi puwedeng magkaroon ng substitute sa tatay o sa nanay. Hindi mo masasabing aalagaan naman siya ng tiyuhin niya. Iyong mga bata na nagkaroon ng ganyang sitwas-yon sa buhay ang siyang nagiging problema sa kanilang paglaki. Kasi hindi nagiging normal ang buhay nila.

Iyong isang anak ni Kris, hindi naman problema iyon kahit hindi nakikita ang tatay niya, kasi talaga namang may kaunting problema siya sa kanyang pag-iisip, hindi na maaapektuhan iyon ng ganyan. Pero iyong si Bimby ay normal, tiyak na may epekto sa kanya ang hindi pagkakasundo ng mga magulang niya at ang kawalan niya ng identity sa tatay niya. Maski na sinong child psychologist, ganyan din ang sasabihin.

Sa buhay ng isang tao, hindi masasabing ang mahalaga lang ay may pera siya, nakakakain niya lahat ng gusto niya, nabibili niya lahat ng kailangan niya at kahit na hindi kailangan. Hindi pera lang ang kabuhayan. Ang buhay ay higit na madarama sa relasyon sa kanilang mga kaanak, kaysa pera.

Ang dami ngang nabubuhay sa kalye lang eh, pero buo ang pamilya.

HATAWAN – Ed de Leon