HATAW! D'yaryo ng Bayan hatawtabloid.com
HALOS sumabog na ang TV namin tuwing tanghali dahil sa sabay naming pinanonood ang It’s Showtime ng ABS-CBN at Eat Bulaga ng GMA, na Hall of Fame na sa PMPC Star Awards for TV. Ganoon din ang mga host na sina Vic Sotto, Joey de Leon, at Sen. Tito Sotto. Aba! Kumbaga sa puno, sila ang matibay. Parang narra, na kahit anong bagyo ang dumating sa manila, hindi matumba-tumba.
Malaking factor din sa show sina Ruby Rodriguez, Jimmy Santos, Anjo Yllana, Pia Guanio, Pauline Luna, Ryzza Mae, Baby Baste, Jose Manalo, Wally Bayola at iba pa. Isa sa pinakamagandang idea nila ay ang isali sa show sina Alden Richards at Maine Mendoza dahil mas lalong tumaas ang ratings ng show nang pagtambalin nila ang dalawa.
Kay gaganda din ng portion nila gaya ng Kalye Serye, Lola’s Playlist, Hakot Pa More, Music Hero at iba na mapapanood mo lang sa Eat Bulaga! All smiles si Malou Ochoa-Fagar ng TAPE Inc. headed by Tony Tuviera dahil parang trial balloon lang ang pagpo-produce noon ng nasabing show na unang ipinalabas sa IBC-13, then ABS-CBN, then GMA, na siyang nagsilbing home studio ng Eat Bulaga.
Iisipin ba naman ni Ms. Malou na magiging matagumpay ang show na rati’y sinubukan lang?
Salamat sa mga tumulong
HALOS isang buwan din akong walang column, pero heto na’t nagbabalik! Paano naman kasi makapagsusulat kung kabika-bila ang sakit mo. Sabi ng aking doctor, si Dr. Venus Siron, kailangan ko raw magpahinga dahil sa pabalik-balik na sakit dahil sa stress. Maraming salamat po, unang-una sa Panginoon, sa prayers ng mga relative, friends, kapwa writer, at mga taong nakaaalam ng aking karamdaman. Malakas na po ulit, kaya ito at back to writing na! Tagal ko ring nawala.
Salamat po sa lahat ng tumulong sa ‘kin, mga prayer at ‘yung mga tulong para sa medication. Alam ninyo kung sino kayo. Kasama kayo sa aking araw-araw na panalangin. God bless!
NO PROBLEM DAW – Letty G. Celi
