HATAW! D'yaryo ng Bayan hatawtabloid.com
SA August 29 na pala ang airing ng teleseryeng Till I Met You ng Dreamscape Entertainment na pinagbibidahan ng tambalang James Reid at Nadine Lustre.
Bilang supporter din ng JaDine, excited na kami sa kakaibang kuwentong hatid ng teleseryeng ito na lalo ninyo silang mamahalin. Kikiligin tayo sa seryeng ito nina James at Nadine na tatampukan naman ng kakaibang kuwentong third party na masasabi kong napapanahon huh.
Basta! Ibang klaseng JaDine ang mapapanood natin sa serye na kinunan pa sa Greece ang ilang eksena. Bongga!
Kung gaano ka-busy ang JaDine promoting their latest serye na Till I Met You ay ratsada naman ang KathNiel sa promosyon din ng kanilang pelikulang Barcelona A Love Untold ng Star Cinema.
Noong Huwebes ay naganap ang promo shoot ng pelikulang noong nakaraang taon palang ay talagang inaabangan na.
Sa kabuuan, halos 105 block screenings worldwide na ang magaganap sa pagbubukas ng pelikula sa September 14 worldwide.
Grabe ang tambalang KathNiel sa totoo lang dahil kahit saan mo nga naman dalhin ang dalawa ay pinagkakaguluhan naman talaga. Ngayon palang ay sigurado na kaming hahataw sa takilya ang movie nina DanielPadilla at Kathryn Bernardo.
Congrats in advance sa buong production staff, cast and crew ng pelikula! Bongga!
REALITY BITES – Dominic Rea
