HATAW! D'yaryo ng Bayan hatawtabloid.com
NAPABILIB ng transgender Pinoy international singer na si Angel Bonilla (nagwagi ng 2nd place sa Discovery Pop Music Festival) ang mga taong nanood sa katatapos na Hataw Superbodies na ginanap sa Music Hall, Pasig City.
At kahit pasado 1:00 a.m. na, naka-awit si Angel at bigay-todo pa rin sa performance kaya naman after nahilingan pa siya ng dalawa pang kanta.
Ani Angel, patikim pa lang ito ng husay niya dahil sa back to back concert nila ng X Factor Israel Grand Winner na si Rose “Osang” Fostanes sa Zirkoh sa Aug. 24, mas marami pa siyang kakantahan. Ang concert nila ay tinawag na Voices Concert Featuring the X Factor Stars.
Bukod kina Angel at Rose, makakasama rin sa concert sina Michael Pangilinan, Osang, Marika Sasaki, Idolito Dela Cruz, The Fabolous Girlfriends, Brat Boys, Mei Cruz, Ron Mclean, Zero Ground, Knights Band, at Four Dimensions .
Ang Voices Concerts ay hatid ng BeautéDerm, Aficionado Germany Perfume, Joel Cruz Signature, Fernando’s Bakery, Ysa Skin and Body Experts, UniSilver Time, Hotel Sogo.
MATABIL – John Fontanilla
