HATAW! D'yaryo ng Bayan hatawtabloid.com
NAGMISTULANG Sta Claus at nagbigay ng maagang Pamasko ang Mayor ng Quezon City na si Herbert Bautista sa mga entertainment press nang magbigay ito ng kanyang taunang pa-birthday sa mga kapatid sa panulat na nag-birthday simula April hanggang July.
Naganap ang pa-birthday ni Mayor Herbert sa Salu Restaurant na sobrang sarap ng mga pagkain at inumin na talaga namang nag-enjoy ang lahat. Pag-aari ang Salu Restauran nina Harlene Bautista at Romnick Sarmenta.
Hindi man nakarating si Mayor Herbert dahil may biglaang importanteng lakad, naroon naman ang kanyang mga kapatid na sina Harlene at Councilor Hero Bautista.
Bukod nga sa cake para sa mga nagdiwang ng kaarawan sa buwan ng Abril at Hulyo, may pa-birthday na regalo pa si Mayor Herbert sa bawat isa. Kaya naman lahat ay umuwing nakangiti at masaya.
MATABIL – John Fontanilla
