Bistek, ‘di na maharap ang paggawa ng pelikula

SAYANG, hindi nakarating si Mayor Herbert Bautista roon sa ipinatawag niyang gathering ng entertainment media noong isang araw. Kahit na ang intention ay isa talaga iyong media get together, gusto rin sanang samantalahin iyon ng iba para matanong naman si Mayor Bistek kung talaga nga bang mabibigyan pa niya ng panahon ang kanyang movie career.

Marami nga ang nagsasabi, sa ngayon wala nang gumagawa ng kanilang brand of comedy noong araw. Iyong mga comedy ngayon, bastusan ang ginagawa eh. Wala na iyong linya niyong classic comedy, kasi sa ganoon ang mga sitwasyon at eksena ay talagang pinag-iisipan. Eh ngayon iyong mga comedian, mambastos lang ok na eh. Hindi nila iniisip na magpatawa, ang iniisip nila ay kung sino ang gagawin nilang katatawanan.

Pero masyado nga kasing busy si Mayor ngayon, kaya nga hindi na niya maharap nang husto ang paggawa ng pelikula. Sayang naman.

HATAWAN – Ed de Leon