HATAW! D'yaryo ng Bayan hatawtabloid.com
MAY gagawin na naman daw isa pang indie film si Aljur Abrenica at ang sinasabi nga ng iba, ”puro indie na lang yata ang ginagawa niya.”
May panahon na malalaking projects ang ipinagagawa kay Aljur. Lahat ng mga prime assignment ibinibigay sa kanya noon ng Channel 7. Sinasabing hilaw pa siya sa acting, pero binibigyan siya ng mga proyektong ni hindi nila naibigay sa mga nauna sa kanya. May panahong “network favorite” iyang si Aljur, pero nagdemanda nga siya at sinabing puro walang kuwenta ang ipinagagawa sa kanya.
Naayos na naman ang usapang iyon. Inurong din niya ang reklamo nang makita niyang walang mangyayari sa demanda niya, pero hindi na siya nakakuha ulit ng malalaking breaks, at ngayon kailangan niyang magtiyaga sa mga pelikulang indie.
“Hindi pa naman siya talaga marunong umarte eh, buti nga kahit na indie may kumukuha sa kanya. Eh si Nora Aunor nga puro indie rin eh,” sabi ng isang kritiko.
Pero sa palagay namin, iba naman ang kaso ni Nora Aunor at iba naman ang kaso ni Aljur. Si Nora bukod sa mga naging problema nga sa kanya noong araw professionally, hindi naman maikakaila na matanda na rin siya. Iyang si Aljur ay bata pa. Kahit na ano pa ang sabihin, puwede pa iyang i-develop kung hindi nga lang siya nagkamali ng diskarte sa kanyang career.
Kung minsan iyan ang hirap eh. Lalo na kung mali ang nagsusulsol.
( Ed de Leon )
