HATAW! D'yaryo ng Bayan hatawtabloid.com
PATOK na patok ang mga pasyalan nitong nagdaang Kapaskuhan at Bagong Taon dahil bakasyon rin ang mga kabataan sa eskwela at panahon na medyo maluwag kahit paano ang pasok ng pera (bonus).
Isa na rito ang halos hindi mahulugang karayom sa dami ng mga taong nagpunta — ang STAR CITY sa Pasay City. Sa haba pa lang ng pila sa entrance pa lamang ay masasabi nating patok rin ang mga negosyo sa loob nito.
Marami ang mga kainan, lalo ang mga unknown food stalls at small food chain. Tiyak na tumiba rin ang mga nasabinf kainan.
Pero base sa mga natatanggap nating mga reaksiyon sa maliliit na food stall, dapat bigyan atensiyon ng local na pamahalaan at Star City management.
Nakasisiguro ba ang mga taong kumakain doon na safe at malinis ang pagluluto at proseso ng paghahanda sa mga itinitinda nilang pagkain?
Kadalasan kasi ay tila hindi na raw sariwa at bagong luto ang ilang pagkain na nabibili sa mga food stalls?!
Init-init system lang daw ang mga pagkain maging ang mga stick-foods, rice meals at iba pa…
Lalo na ang mga inihaw na pagkain gaya ng bar-b-q na halatang maagang niluto (half-cook) at iinitin ulit kapag may bumili.
Wala rin maayos at malinis na service water para sa mga costumer.
Nanawagan tayo sa Pasay local government kung mayroon bang sanitary permit ang nasabing food stalls?!
Huwag na natin hintayin na may ma-food poison diyan sa loob ng Star City!
Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
