Thursday , February 29 2024

Pekeng MVP si Fajardo?

062915 junmar fajardo MVP

ANO nga ba ang totoo?

Hindi maglalaro si JunMar Fajardo sa Gilas para sa FIBA Asia dahil sa may iniinda siyang injury o…hindi siya talaga pinayagan ng kanyang team dahil sa rivalry ng kompanya ng SMB at ng kompanya ni MVP?

Hindi natin alam kung ano nga ba ang katotohanan sa dalawang dahilan.   Pero para sa ilang kritiko ng basketball, may pangatlong dahilan pa kung bakit tinalikuran ni Fajardo ang tungkuling pang-nasyonalismo.

Isang kritiko ang nakausap natin na tuwiran niyang sinabi ang kanyang pananaw kung bakit hindi maglalaro si Fajardo sa National Team.

Ayon sa kritiko, na hindi na natin papangalanan, kaya hindi maglalaro si Fajardo sa Gilas ngayon ay dahil ayaw nitong mapahiya sa ikalawang pagkakataon.

Alam naman natin ang nagyari sa kanya sa nakaraang FIBA Asia at World…bangko siya sa kabuuang games ng Gilas.

Aba’y malaking sampal iyon sa kanya dahil tinanghal siyang MVP sa panahong iyon pagkatapos ay ibabangko lang sa International competition?

Ngayon ay MVP na naman siya sa nakaraang PBA season.   At kung maglalaro siyang muli sa FIBA Asia…mas malaki ang inaasahan sa kanya. Pero paano nga naman kung mabangko na naman siya?

Iyon daw ang posibleng senaryo na iniiwasan ni Fajardo.

Dito sa PBA, walang malaking player na puwedeng ipantapat sa kanya.   Kaya niyang dominahin ang liga.   Pero sa mga international competition—marami. Bukod sa magagaling ay mabibilis pa. Magmumukhang ordinaryo lang ang laki niya at husay sa kompetisyon.

Well, pananaw lang naman iyon ng isang kritiko.   Pero may punto siya.   Ngayon na sana ang pagkakataon na patunayan ni Fajardo na hindi peke ang kanyang pagiging MVP, na hindi lang pang-LOKAL, at medyo nanibago lang siya sa unang sinalihang international competition, at ngayon ang pagkakataon para i-redeem niya ang sarili.

Puwede pa naman siguro siyang humabol sa Gilas?

KUROT SUNDOT – Alex Cruz

About Alex Cruz

Check Also

Buddy Encarnado NCRAA

Bago, talentadong local cager target sa NCRAA 30th Season

HANGAD ni General Manager Buddy Encarnado, dating PBA chairman at team governor ng Sta. Lucia, …

FESSAP

FESSAP-APUG 3×3 Philippines didribol sa Marso 15-17

IPINAHAYAG ng One Dream Sportsman, sa pamumuno ni basketball coach Dr. Norman Afable, ang pagdaraos …

NCAA Season 99 Juniors Basketball Tournament

NCAA Juniors Basketball Tournament simula na 

RATED Rni Rommel Gonzales PATULOY ang aksiyon sa NCAA Season 99 dahil umpisa na ang bakbakan sa NCAA …

Christian Mark Daluz Chess

Sa Antonio “Bolok” Memorial Open Rapid Chess Tournament
FM DALUZ WINALIS MGA KATUNGGALI

MARIKINA CITY — Napanatili ni FIDE Master (FM) Christian Mark Daluz ang mainit na simula …

Niño Alcantara Tennis

Naging Number One Doubles Player sa Pilipinas  
NIÑO ALCANTARA UMAKYAT MULA 176 HANGGANG 169 SA ATP RANKINGS

SI NIÑO Alcantara, ang sumisikat na tennis star mula sa Pilipinas, ay patuloy na gumagawa …

Leave a Reply

Your email address will not be published. Required fields are marked *