Wednesday , February 28 2024

Karapatan ng mangingisda segurado kay Ebdane

0818 FRONTTINIYAK ni Zambales Governor Hermogenes Ebdane Jr., na ang mga karapatan ng daan-daang mangingisda ay maipagkakaloob bilang kaagapay sa kanilang pangkabuhayan sa oras na maipasubasta ang mga ‘palutang’ o ang Chinese dredge floaters na natagpuan sa karagatang sakop ng Brgy. Sto. Cristo, na binabantayan na ng provincial government ang nasabing mga palutang.

Ipinunto ni Ebdane ang Article 719 ng Civil Code na nagsasaad na “part of the proceeds of the auction shall go to the taxes of the barangay and provincial government. The auction is also designed to raise funds for fishermen who have lost their livelihood due to incursion of China whose personnel had prevented them from fishing off the West Philippine Sea.”

Ang naturang mga ‘palutang’ ay inilagak at pinabantayan sa Brgy. San Agustin at sa Brgy. Sto.  Rosario nang tangkain ng ilang mga mangingisda na pagkalas-kalasin para ibenta bilang scrap materials.

Ang pagkompiska sa lahat ng mga ‘palutang’ ay idinokumento dahil ipasusubasta na at ang may pinakamataas na bidding ang siyang makabibili sa mga ‘palutang.’

Ang pagpapasubasta ay inaasahang maisasagawa “in a month” ayon kay Gov. Ebdane na ang mapagbebentahan ang magagamit na pondo ng mga mangingisda para sa pang-alternatibo nilang kabuhayan dahil sa hindi na sila makapangisda pa sa mga karagatang inaangkin na ng Chinese government.

Nitong nagdaang Linggo ng umaga, ang mga mangingisda mula sa Brgy. San Agustin ay nakakuha ng 34 dredging assemblies o mga ‘palutang’ mula sa karagatan, na ang bawat dredging assemblies ay  binubuo ng 12-meter ang haba, one-meter diameter iron pipe na may 3 plastic-encapsulated foam floaters at flexible rubber connectors.

“The auction will be made under the principle of ‘finders keepers,’ pahayag ni Ebdane.

Aniya, obvious kung sino ang nagmamay-ari ng mga floater; na tinutukoy ang China.

Ang mga ‘palutang’ ay gawa sa mamahaling mga material – seamless, zinc-coated pipe na hindi kakalawangin sa dagat at ang pipe ay tumitimbang mula 3 hanggang 5 tonelada.

“These could fetch a hefty price to benefit the displaced fishermen,” punto ng gobernador.

About Hataw

Check Also

April Aguilar Brgy Pilar Las Piñas

VM Aguilar pinangunahan ang pagtulong sa mga nasunugan sa Brgy. Pilar

PINANGUNAHAN ni Las Piñas City Vice Mayor April Aguilar ang pamamahagi ng tulong sa mga …

Pamahalaang Panlalawigan ng Bulacan, Eagle Cement, nagtanim ng 2,000 bakawan sa Hagonoy, Paombong

Pamahalaang Panlalawigan ng Bulacan, Eagle Cement, nagtanim ng 2,000 bakawan sa Hagonoy, Paombong

UPANG panumbalikin ang mga bakawan sa mga baybaying barangay ng lalawigan, nakipagkaisa ang Pamahalaang Panlalawigan …

Wanted na mga criminal, drug dealer sa Bulacan kinalawit

Wanted na mga criminal, drug dealer sa Bulacan kinalawit

NAGSAGAWA ng matagumpay na operasyon ang pulisya ng Bulacan kamakalawa, na nagresulta sa pagkaaresto ng …

Andre Perez Dizon

PBGen Dizon pinarangalan ng PNP NHQ (sa epektibong pamumuno sa hanay ng Kasurog Cops PRO5)

GINAWARAN ng “Medalya ng Katangitanging Gawa si Police Regional Office 5 Director PBGen Andre Perez …

SM Cyberzone Game Fest Feat

Cyberzone Game Fest 2024 is back to celebrate all things gaming
Cyberzone Game Fest at SM Supermalls now on its 9th Year

Calling all gamers, esports enthusiasts, and tech aficionados! Now on its 9th year, Cyberzone Game …

Leave a Reply

Your email address will not be published. Required fields are marked *