Tuesday , December 6 2022

Kia, RoS makakakuha ng “winner”

061915 PBA rookie draftHINDI na siguro magbabago pa ang isipan ng mga taga-Talk N Text sa pagkuha sa Fil-Tongan na si Moala Tautuaa bilang number One pick sa darating na 2015 PBA Rookie Draft na magaganap sa Agosto 23 sa Robinson’s Place Manila.

Ito ay kahit na lumahok pa sa Draft si Bobby Ray Parks.

Sa pananaw ng mga basketball scouts, si Tautuaa ang”dabes” sa mga nagsipag-apply sa Draft.

Siya rin naman ang naging No. 1 pick sa nakaraang PBA D-League Draft kung saan kinuha siya ng Cagayan Valley Rising Suns bago nalipat sa Cebuana Lhuillier.

Sayang nga lang at bilang manlalaro sa D-League ay hindi nakatikim ng kampeonato si Tautuaa. Sa dalawang conferences ay natalo ang kanyang koponan sa Hapee Toothpaste sa magkahiwalay na serye.

Well, yamang sigurado na si Tautuaa bilang No. 1 pick, nakatuon ang pansin ng karamihan sa kung sino ang magiging No. 2.

Hawak ng Kia ang No. 2 pick at mamimili ito kina Norbert Torres at Troy Rosario na kapwa miyembro ng RP team na nagkampeon sa huling Southeast Asian Games basketball competition. Parehong big men sina Torres at Rosario.

Kung sino ang hindi kukunin ng Kia ay kukuning tiyak ng Rain Or Shine na pipili sa No. 3.

Sinuman sa dalawang ito ay tiyak na makapagbibigay ng magandang impact sa koponang masasalihan nila.

Ang dalawang manlalarong ito ay mga champions noong nasa kolehiyo pa sila. Si Torres ay kabilang sa La Salle Green Archers na nagkampeon noong 2013 samantalang si Rosario ay miyembro ng National University Bulldogs na nagkampeon noong nakaraang taon. Bukod dito ay miyembro si Rosario ng Hapee Toothpaste na nagwagi sa Aspirants Cup.

So, may winning tradition ang dalawang ito. Hindi tulad ni Tautuaa na hindi pa nagkampeon.

Kaya naman masasabing masuwerte na rin ang Kia at Rain Or Shine dahil tiyak na makakakuha sila ng ‘winner!’

SPORTS SHOCKED – Sabrina Pascua

About Sabrina Pascua

Check Also

Jako Concio Jr Chess

IM Michael “Jako” Concio Jr., muling nanalasa sa GMG Chess tourney

MANILA — Muling nanalasa si International Master Michael “Jako” Concio Jr., ng Dasmariñas City, Cavite, …

Roel Esquillo Billiards

Caloocan City punong abala sa P212,000 10-Ball Open sa Cocoy’s Billiard Hall

MANILA — Magsisilbing punong abala ang Lungsod ng Caloocan sa country’s top players sa pagtumbok …

Paragua and Barbosa Chess

Pasig makikipagtuos sa San Juan, Davao versus Negros

MANILA — Dumaan muna sa butas ng karayom ang Pasig City King Pirates at Davao …

TOPS PSC Noli Eala

TOPS officers nanumpa kay PSC Chairman Eala

MAHALAGANG mapanatili ang koordinasyon at pagkakaisa sa pagitan ng mga mamamahayag at ng Philippine Sports …

1st Mayor Ruffy Biazon Swim Cup

Mayor Biazon Swim Cup nagtala ng kasaysayan

UMABOT sa 1,200 swimmers ang kompirmadong lalahok sa 1st Mayor Ruffy Biazon Swim Cup na …

Leave a Reply