12-anyos binoga ng kapwa bata

LAOAG CITY – Nilalapatan ng lunas sa Mariano Marcos Memorial Hospital and Medical Center sa Batac City ang 12-anyos batang lalaki makaraan mabaril ng kapwa bata habang sila ay naglalaro sa Brgy. Madupayas, Badoc, Ilocos Norte kamakalawa.

Kinilala ni Chief Insp. Dexter Corpuz, hepe ng PNP Badoc, ang biktimang si Andrew Cases, residente ng Brgy. Camanga sa nasabing bayan, habang ang suspek ay si Eugene Pagaling, 13, residente ng Brgy. Madupayas sa nasabi ring bayan.

Batay sa imbestigasyon ng pulisya, habang naglalaro ang dalawang bata nang bigla na lamang makarinig ang mga kapitbahay ng putok ng baril.

Pagkaraan ay nakitang duguan ang ulo ng biktima kaya agad dinala sa ospital.

Nang magresponde ang mga pulis ay agad nilang ginalugad ang loob ng bahay ng suspek at nakita ang isang converted caliber .22 baril.

Patuloy ang imbestigasyon ng PNP Badoc at posibleng masampahan ng kaso ang ama ng suspek dahil sa nakuhang baril sa loob ng kanilang bahay.