Yaya Dub, paborito rin ni Helen

LAGANAP ngayon ang humahanga sa pabebe style nina Wally Bayola at sensational discovery na si Yaya Dub sa Sugod Bahay ng EatBulaga.

Maging ang ex-movie queen na si Helen Gamboa ay nagte-text sa kanyang TV host husband na si Tito Sen para ipaalam na super tuwa sila ng mga amigang bisita galing New York sa dalawa. Natutuwa sa kuwelang ambag ni Yaya Dub, na si Maine Mendoza sa totoong buhay na taga- Malolos Bulacan.

Ang problema ni Wally umaalembong si Yaya Dub kay Alden Richard. Nagmamaktol si Yaya Dub kapag hindi nakikita si Alden. Wala naman masamang ma-inlove, wala pa namang ka-love team si Alden. Malaya pa. Hindi naman puwedeng ismolin si Yaya Dub dahil talo pa niya ang ibang young stars dahil graduate siya ng kolehiyo. Natapos siya ng Culinary Arts.

SHOWBIG – Vir Gonzales