5-anyos nahulog sa sasakyan, patay

CAUAYAN CITY, Isabela – Patay ang isang 5 anyos batang babae makaraan mahulog mula sa isang izusu elf sa Brgy. Gucab, Echague, Isabela kamakalawa.

Ang biktimang kinilalang si Estefani Bassig ay kasama ang kanyang tiyahin na si Remedious Fontanilla at ilang kasamahan pauwi mula sa paglalaba sa ilog, sakay ng isuzu elf nang tumayo ang bata na naging dahilan para mahulog.

Nahulog sa sementadong daan ang bata kaya nabagok ang ulo.

Dinala sa Echague District Hospital ang biktima ngunit patay na nang idating sa pagamutan.

Nabatid na ang nanay ng bata ay nasa ibang bansa habang ang kanyang ama ay nasa trabaho.

Ang driver ng isuzu elf na nagngangalang Jerry, kasintahan ng tiyahin ng biktima, ay nasa kustodiya na ng Echague Police station.