Binatilyong dyumingel tinarakan

MALUBHANG nasugatan ang isang binatilyo makaraan tarakan ng hindi nakilalang suspek habang ang biktima ay umiihi sa Malabon City kahapon ng madaling araw.

Ginagamot sa Tondo Medical Center sanhi ng isang saksak sa likod ang biktimang si JC Val Enriquez, 19, purified water delivery boy, at residente ng Sto. Niño, Brgy.Concepcion ng nasabing lungsod.

Patuloy ang imbestigasyon ng mga awtoridad upang matukoy ang pagkakakilanlan ng suspek na mabilis na tumakas makaraan ang insidente.

Base sa imbestigasyon ni PO3 Rommel Habig, dakong 2 a.m. nang maganap ang insidente sa Samson St., Brgy. Baritan ng lungsod.

Nakikipaglamay ang biktima sa kaanak ng kanyang  kaibigan sa nasabing lugar nang sumpungin nang panunubig kaya nagtungo madilim na eskinita.

Rommel Sales