Angat Dam kompirmadong nasa ibabaw ng West Falley Fault

NAKOMPIRMANG nasa ibabaw at malapit sa West Valley Fault ang ilang bahagi ng kinatatayuan ng Angat Dam na matatagpuan sa Hilltop, Brgy. San Lorenzo, Norzagaray, Bulacan.

Dahil dito, nabatid na delikado sa pinangangam­bahang 7.2 intensity na lindol kaya sinisimulan na ang rehabilitasyon ng water reservoir para patatagin ito.

Ito ang ipinahaya­g ni Engr. Russel Rigor, Senior Dam Operation Engineer ng Angat Hydropower Corporation (AHC), sa pakikipagpulong sa matataas na opisyal ng provincial government ng Bulacan.

Kaugnay nito, kinompirma rin ni Rigor na sinimulan na ang pinakahihintay na rehabilitasyon at pagsasaayos ng Angat Dam sa Norzagaray.

Ayon sa opisyal, kasalukuyang nasa pro­seso ng “pre-construction” ang ilang bahagi ng Angat Dam, na ayon sa Philippine Institute of Volcanology and Seismology (Phivolcs) ay nakatayo ibabaw at malapit sa West Valley Fault line.

Micka Bautista