71-anyos, 4 pa drug pusher sinalbeyds sa Pampanga

CAMP OLIVAS, Pampanga – “Huwag n’yo kaming tularan, drug pusher kami,” ito ang mga katagang nakasulat sa papel na nakasabit sa tatlong bangkay na natagpuan sa Brgy. Pansina-nao, habang dalawang bangkay pa ang natagpuan na pawang sinunog sa Brgy. San Agustin, sa bayan ng Candaba.

Sa report sa tanggapan ni PRO3 OIC Chief Supt. Ronald Santos, kinilala ang tatlong biktima na sina Romeo Manalese,71, Lito Manalese, 35, ng Cacutud, Arayat, at Fathi Kurdi, nasa hustong gulang, ng Plazang Luma, ng nasabing lugar.

Habang hindi pa nakikilala ang dalawa pang biktima na sinunog ang bangkay. 

Base sa imbestigasyon ng pulisya, bandang 4:30 a.m. kahapon nang matagpuan ang tatlong bangkay sa Brgy. Pansinanao, pawang may mga tama ng bala sa katawan.

Habang dakong 7 a.m. nang matagpuan ang sunog na bangkay ng dalawang biktima sa Brgy. San Agustin.

Raul Suscano/Leony Arevalo