Furniture shop owner itinumba habang nagkakape

PATAY ang isang may-ari ng furniture shop sa Brgy. Barangobong, sa bayan ng Tayug sa Pangasinan makaraan pagbabarilin ng riding-in-tandem habang nagkakape nitong Biyernes.

Ayon sa ulat, nilapitan ng isa sa dalawang suspek ang biktimang si Noili Sebastian, 43, at binaril nang malapitan bago tumakas lulan ng motorsiklo.

Anim na basyong bala ng hinihinalang cal. 45 pistol ang narekober ng mga awtoridad sa crime scene.

Sinisilip ng mga awtoridad na posibleng dating alitan ang ugat ng insidente.