Kabuscorp De Laguna FC, gustong sundan ang yapak ng Azkals

 

ni Roldan Castro

PATALBUGAN sina Ellen Adarna, Meg Imperial, at Solenn Heussaff dahil sila ang pantasya ng mga football players na Kabuscorp De Laguna FC sa pangunguna ni Zeferino Fielda Silva. Makulay ang life story ng bawat miyembro ng grupong ito na pinaplano ngayong gawing indie movie.

Pinaplantsa na ng kanilang manager/movie producer na si Angel Chan na isapelikula ang buhay ng mga player sa tulong ng kanilang head coach na si Eliezer Fabroada. Si Ms. Angel ay dating member ng all female group na naka-focus ngayon sa sports.

Kung ang Azkals ay nakilala sa football, gusto rin ng Kabuscorp De Laguna na makilala sa larangang ito at sundan ang yapak ng Azkals. Kung ang Azkals daw ay may Angel Locsin dati dahil naging girlfriend ni Phil Younghusband, sila naman ay may Angel Chan din na sumusuporta at tumutulong sa Kabuscorp De Laguna FC. Nabuo ang team dahil kay Ms. Angel at Fiel. Ang purpose nila ay maka-enter sa Second Division UFL (United Football League), professioal league sa Pilipinas. At ‘pag may napatunayan na sila at strong na sila sa paglalaro papasok na sila sa first division.

Kamakailan ay napanood namin ang laro ng Kabuscorp De Laguna FC sa First Mabuhay 8-Aside Futbol sa Ascom, Fort Bonifacio at nag-champion sila. May potensiyal ang grupong ito na galing sa iba’t ibang lugar ang members gaya ng Palawan, Iloilo, Laguna, Cavite atbp.. Sa ngayon ay puspusan ang kanilang practice.

Kamakailan ay nag-charity rin ang Kabuscorp De Laguna FC sa Sta. Cruz, Laguna at namigay ng groceries, nagpakain at nag-donate ng bola. Part daw ito ng objective ng grupo na tumulong sa mga nangangailangan bukod sa paglalaro ng football.

Sey nga ni Fiel, gusto nilang i-share at ituro ang kanilang experience sa football sa mga bata.

May suporta ba ang government ng Laguna sa Kabuscorp? Ang nagbibigay daw sa kanila ng moral support ay ang Laguna Football Association

Sosyal!