Pinay, itinanghal na Mrs. Grandma Universe

MAY dahilan talaga para pangilagan ng ibang bansa ang mga kandidatang ipinadadala natin sa mga international pageant. Katatapos pa lang manalo ni Pia Wurtzbach sa Miss Universe noong December 20 at ngayon, isa na namang good news, Pinay na naman ang hinirang bilang pinakamagandang lola sa katatapos na Mrs. Grandma Universe na ginanap sa Sofia, Bulgaria sa katauhan ni Babylyn Decena-Newfield.

Enero pa lang pero panalo na agad tayo. Magandang indikasyon ito at tiyak na sa buong 2016 ay maganda ang magiging laban natin sa mga international beauty pageant. Magandang buena-mano kumbaga.

O ‘di ba, mapabata o mapa-lola ang ating representative, win talaga ang Pinay.

Forty eight years old na si Newfield, isang entrepreneur mula sa Alabang, Muntinlupa City. May apat na anak at apat na apo.

Hindi na ako nagtaka nang manalo si Babylyn dahil kahit lola na ay maganda pa rin siya, makinis ang balat, at alagang-alaga ang katawan.

Si Babylyn din ang nagwaging Best in National Costume.

Congratulations!

MAKATAS – Timmy Basil