HATAW! D'yaryo ng Bayan hatawtabloid.com
INTERESTING ang debut horror film ni Roi Vinzon under Viva Films, ang Maria Labo na isang urban legends at nagmula ang kuwento sa parteng Visayas.
Bagamat ikatlong pelikulang naidirehe na ito ni Roi, first time niyang gumawa ng horror kaya malaking challenge ito sa kakayahan ng aktor/direktor.
Ani Roi, naging interesado siya naging itong pelikula dahil bukod sa matinding kilabot, may ibang emosyong maaaring ibigay ang Maria Labo.
Ang Maria Labo ay ang kilalang aswang umano na taga-Iloilo na ang sabi ng iba’y nagmula sa Capiz at Sorsogon na kumatay sa kanyang mga anak at inihain pa sa kanyang asawa matapos niyang pagpistahan ang mga ito. Hanggang ngayon marami pa rin ang nainiwala na tuloy pa rin ang pag-atake ni Maria Labo.
Gagampanan ni Kate Brios si Maria, isang mapagmahal na asawa’t ina na sa kagustuhang tulungan ang asawang si Ermin (Jestoni Alarcon) para maitaguyod ang pamilya nahikayat siya ng kaibigang si Emily (Sam Pinto) na magtrabaho sa isang bansa. Bilang caregiver sa Dubai, naging malapit si Maria sa kapwa-OFW na si Nanay Leng, pero masaklap ang dinanas niya sa kamay ng mga dayuhan.Wala na sa kanyang katinuan nang pinabalik si Maria sa Pilipinas. Ngunit ang mas matindi rito, siya ay nagmistulang halimaw na kumakain ng buhay na hayop at lamanloob ng tao. Habang nalalagay sa panganib ang lahat, kailangang matuklasan ni Ermin ang dahilan kung akit nagkaganito ang kanyang asawa.
Sa Ilonggo, ang ‘labo’ ay nangangahulugan ng ‘to hack’ or ‘pagtaga’. Ito ang nangyari sa mukha ni Maria kaya idinikit ang salitang ito sa pangalan niya.
SHOWBIZ KONEK – Maricris Valdez Nicasio
