PBA maglalaro sa Biñan

INANUNSIYO ng PBA na ang mga laro na dapat sanang gawin noong Miyerkoles sa Philippine Cup ay gagawin na sa Alonte Sports Arena sa Biñan, Laguna, sa Nobyembre 17.

Gagawin sa nasabing venue ang mga larong Barako Bull-Mahindra at Barangay Ginebra San Miguel-Meralco sa alas-4:15 at alas-siyete ng gabi, ayon sa pagkakasunod.

Matatandaan na noong Miyerkoles ng gabi ginanap ang opening ng bagong PBA season sa Mall of Asia Arena dahil sa bagyong Lando na nagresulta sa pagpapaliban ng pagbubukas ng liga noong Linggo.

Samantala, kuntento si PBA Media Bureau Chief Willie Marcial sa sobrang kaunting tao na nanood ng opening ng PBA noong Miyerkoles.

“Maganda na ‘yung crowd considering the postponement of the opening day,” wika ni Marcial. “Kung natuloy yung linggo, puno dapat tayo. Malaki kasi yung ire-refund na mga tickets sa fans.”

ni James Ty III