HATAW! D'yaryo ng Bayan hatawtabloid.com
HAWAK na raw ni Maine Mendoza aka Yaya Dub ang korona bilang Top Endorser sa ngayon dahil sunod-sunod ang mga produktong ineendoso at kinukuha siyang endorser.
Sa loob lang kasi ng dalawang buwan, ilang produkto na nga ba ang kumuha sa kanya o sa kanila ni Alden Richards para gawing endorser?
Nariyan na ang McDo, O+ Mobile phone, Talk ‘N Text, 555 Sardines, at marami pa raw na mga susunod pa. At kung tama ang dinig naming ay mga apat o lima pa raw na produkto iyon. Wow! Grabe na talaga si Maine ha!
Bukod sa rami ng endorsement, nabalita ring sold-out ang mobile phone na ineendoso niya kasama si Wally Bayola bilang si Lola Nidora. Ayon sa balita, inihayag ng O+ Ultra phone company na ang kanilang mobile phone ay sold out na sa pamamagitan ng kanilang Instagram post.
“Due to insistent public demand, we are proud to announce that O+ Ultra is now out of stock! Thank you for allthe support and ot to worry for those who don’t have O+ Ultra phones yet because new stocks are coming next week! As Yaya Dub said, #MerongForever! #2DayBatteryLife #OplusUltra #ThankYou.”
Bukod sa mga endorsement, malakas din daw ang benta o sold-out din daw ang lipstick na ginagamit ni Maine. Ito raw ‘yung MAC’s Ruby Woo lippe na naging mabenta sa 14 brand counters. Ang naturang lipstick daw kasi ang ginamit ni Yaya Dub sa isa niyang commercial na siyang binanggit ng makeup artist niyang siKrist Bansuelo.
Sa mga pangyayaring ito, hindi malayong maging next queen of TVC at EDSA billboard na si Maine dahil marami pang commercial ang gagawin nito kasama si Alden. Congrats!
SHOWBIZ KONEK – Maricris Valdez Nicasio
