Ka Eddie nanguna sa INC anniv

DUMALO ang punong ministrong si Eduardo Manalo sa aktibidad ng Iglesia Ni Cristo (INC) sa Philippine Arena sa Bulacan kaugnay ng pagtatapos ng kanilang ika-101 anibersaryo.

Ito’y sa harap na rin ng pag-ugong ng isyu ng krisis sa INC kasunod nang pagtitiwalag sa ina at kapatid ng punong ministro na sina Ka Tenny at Ka Angel Manalo na naglabas ng video hinggil sa anila’y banta sa kanilang buhay at pagdukot sa ilang ministro ng kapatiran.

Isiniwalat din ni Angel ang sinasabing katiwalian sa INC habang lumutang ang isang ministrong iginiiit na dinukot siya ng mga armadong lalaki.

Sa pagdiriwang nitong Linggo, inihayag ng ilang kaanib ng INC na walang isinagawang loyalty check, ngunit sumentro ang pangaral ni Manalo sa pagpapatibay ng pananampalataya ng mga kasapi.

Dakong tanghali natapos ang pagsamba sa Philippine Arena na dinagsa ng kapatiran.