Mariel, ‘di puwedeng umeksena kina Robin at Vina

 

ni Roldan Castro

NASALUBONG namin si Vina Morales sa pasilyo ng ABS-CBN 2 na guest sila ni RobinPadilla sa The Buzz para mag-promote ng kanilang pelikulang Bonifacio: Ang Unang Pangulo.

Mabilis naming kinuha ang reaksiyon niya sa chism na selos na selos si Mariel Rodriguezsa kanya.

“Hindi…. mabait ‘yun,” tumatawang pahayag ng aktres.

Deklara naman ni Binoe sa The Buzz tungkol sa pagseselos ni Mariel, “Parang mahirap sabihing oo at sabihing hindi. Siyempre tao ‘yun at mahal na mahal ako niyon, at mahal na mahal ko rin naman siya. Pero siyempre sa mga usapin na ganito, nasa loob po tayo ng mundo ng entertainment. Nandito tayo para paligayahin natin ang mga tao na nalulungkot.”

Bagamat si Mariel ang nag-suggest sa balik-tambalan nina Robin at Vina, nandoon pa rin ang rules nilang mag-asawa na kailangang hindi siya umeksena, magpakita o bumaba sa sasakyan ‘pag nandiyan ang leading lady ng Action King.

Anyway, palabas na Ang Bonifacio: Ang Unang Pangulo na kasama rin sina Daniel Padillaat Jasmine Curtis-Smith.