Juday, ‘di totoong ayaw nang gumawa ng pelikula

NAG-EENJOY na yata si Judy Ann Santos sa pagho-host ng mga realiserye dahil sa Agosto 30, muli siyang mapapanood sa isa na namang tunggali na pawang mag-BF-GF ang haharap sa ilang mga pagsubok, ito ay ang I Do.

Sa programang puno ng kilig, drama, at tensiyon, susuong ang siyam na couples sa mga hamong susubok s akanilang pagsasama at pagmamahalan. Gagabayan sila ng host na si Judy Ann, kasama ang ibang miyembro ng council, ang life coach na si Pia Acevedo, at ang Psychologist at marriage counsellor na si Dr. Julian Montano. Katambal naman ni Juday sa pagbibigay ng challenges siJason Gainza.

Ani Juday, asahan ng mga manonood na magbibigay siya ng mga payo sa couples na base sa kanilang personal na karanasan bilang isang asawa at ina. Limang taon nang kasal si Juday at may dalawa ng anak.

“Ang pinaka-challenge rito ay bigyan ng advise ang couples na pwede nilang isabuhay. Noong tinanggap ko itong show, hindi ko talaga alam kung ano ang pinasok ko, na-excite lang ako na original concept siya. Hindi ko alam na sa proseso parang magiging life coach pala ako. Ang sarap maging part sa journey ng isang couple na magpapakasal,” paliwanag ni Juday.

Samantala, itinanggi ni Juday na tumatanggi siya sa mga pelikulang iniaalok sa kanya. Aniya, nagkakataon lamang na nagkakaroon ng problema sa kanyang mga schedule kaya hindi natutuloy ang paggawa niya ng movie.

Sinabi pa ni Juday na siguro’y talagang hindi pa akmang gumawa siya ng movie sa ngayon dahil wala siyang maibigay na oras para makapag-shoot.

Ukol naman sa pagtatapat ng kanilang show ni Ryan Agoncillo, sinabi ng aktres na nag-usap na silang mag-asawa at tiniyak nilang never nang mangyayari ang nangyari noon na nagkatapat ang kani-kanilang show. ”Parang sinasadya na kung for the second time ay magkakatapat na naman ang show namin. Talagang pinag-usapan na namin na never na kaming magtatapat,”giit ni Juday sa presscon ng I Do sa The Oasis.

Abangan ang pagsisimula ng ‘journey to happy ever after’ kasana sina Juday, Jason, coach Pia, at Dr Julian sa I Do sa Agosto 30, Sabado sa ABS-CBN2.

ni Maricris Valdez Nicasio