HATAW! D'yaryo ng Bayan hatawtabloid.com
ni John Fontanilla
KASAMA ang anak ni Mr. Pure Energy Gary Valenciano at Angeli Pangilinan na si Gab sa nangangarap mapabilang sa listahan ng mga winner ng sikat na American reality show na America‘s Got Talent na magsisimula sa May 27.
Sa teaser pa lang ng nasabing reality show ay nagpakitang gilas na si Gab sa kanyang husay sa pagsayaw suot ang makulay na damit na nakadagdag ningning sa kanyang mahusay na dance performance. Napahanga ang mga hurado na sina Howard Stern, Melanie Brown, Heidi Klum and Howie Mandel. The NBC show is hosted by Nick Cannon.
Bukod nga raw sa pagsali sa America‘s Got Talent ay busy din si Gab sa pag-aaral sa America sa Full Sail University in Florida na siyang naging dahilan para iwan ang kanyang showbiz career sa Pilipinas.
Jacky Woo, sa Bulacan naman magpapagawa ng eskuwelahan
ILANG buwan ng hindi bumabalik si Jacky Woo sa Pilipinas dahil abalang-abala sa kanyang katatapos na Japanese film na rito sa Pilipinas kinunan. Si Jacky din ang abala sa post production ng movie kaya taling- tali siya roon sa Tokyo. Hindi tuloy siya makabalik dito sa Pilipinas na sabik na siyang makasama ng mga regular cast ng Bubble Gang.
Gayun man, binilinan ni Jacky ang kanyang Japanese staff dito sa Pilipinas na humanap ang isang school somewhere sa Bulacan na matutulungan niya gaya ng ipinagawa niya sa Nueva Ecija. Tutal okay na raw at sa Bulacan naman siya tutulong.
