HATAW! D'yaryo ng Bayan hatawtabloid.com
ni Rommel Placente
NOONG March 28 ay kaarawan ni Dion Ignacio. Ang isa sa birthday wishes niya ay biyayaan pa raw ng good health ang kanyang buong pamilya lalo na ang kanyang amang si Mr. Norman Ignacio, na may problema sa kidney.
Dalawang beses isang linggo raw ang pagda-dialysis ng kanyang ama. Kaya kailangan talagang magtrabaho ang aktor dahil magastos ang pagda-dialisis. Dalawang buwan na raw na nagda-dialysis ang ama niya at hinihiling niya na sana ay gumaling na ito upang hindi na mahirapan pa.
“Iyong isa (kidney), medyo okay pa. Iyong kanan, parang ano, deteriorating na,” sabi ni Dion.
Twenty eight years old na ngayon si Dion, nasa marrying age na siya. Pero wala pa raw sa plano niya ang mag-asawa o lumagay sa trahimik.
“’Pag marami na akong pera, at saka ako mag-iisip tungkol diyan (sa pag-aasawa). Hindi pa ako puwedeng mag-asawa, marami pa akong binubuhay!”
ni Rommel Placente
Snooky, excited sa muling pagsasama nila ni Maricel
FOR the first time ay magsasama sa isang serye ang magkaibigang Maricel Soriano at Snooky via Ang Dalawang Mrs. Real mula sa GMA 7.
Sa nasabing serye ay gumaganap bilang mag-best friend sina Maria at Snooky na para rin sa totoong buhay. Excited na si Snooky sa kanilang taping dahil gusto niya nang makatrabaho ulit si Maricel.
“Ang tagal na naming hindi nakapagtrabaho together ni Maricel. Ang huling movie na nagawa namin ay ‘yung ‘Inagaw Mo Ang Lahat Sa Akin’. Hindi ko na matandaan kung anong taon ‘yun. I’m glad na muli ko siyang makakatrabaho but this time ay sa isang serye naman,” sabi ni Snooky na nagdiwang ng kaarawan noong April 4.
