HATAW! D'yaryo ng Bayan hatawtabloid.com
SINO ang mala-Yolanda na PADRINO sa Malacanin ‘este’ Malacañang sa pagkaka-release ng isang Korean fugitive na si KU JA HOON sa Bureau of Immigration (BI) Bicutan detention cell!?
Para sa inyong kaalaman, si fugitive Ku Ja Hoon ay isang dating plant manager ng Phildip Korea Co. Ltd., isa sa pinakamalaking construction company sa South Korea na kumulimbat ng $50M sa kompanyang kanyang pinagtatrabahuhan.
Siya ngayon ay tumakas at nagtago dito sa Pinas gamit ang perang kinulimbat at nagawang sumosyo pa umano sa San Jose Builders, Inc., na nakakuha naman ng project at undergoing construction na biggest coliseum in Asia na pag-aari ng INC sa Bocaue, Bulacan.
Dahil sa bigat ng koneksyon ay milagrong na-release si Ku pal ‘este’ Ku Ja Hoon kaya galit na galit raw ngayon ang Korean Embassy sa nangyari at nagbanta rin ang nasabing Korean construction company na magpu-pull-out ng kanilang investments sa bansa hangga’t hindi naisusuko at nahuhuli pabalik ng Korea ang nasabing pugante.
January 16, 2014 nang mahuli ang puganteng Koreano sa Networld Hotel ng pinagsanib na pwersa ng Fugitive Search Unit ng BI at PNP- CIDG.
Balitang naglabas ng halagang P20 milyones si KU JA HOON para pondohan at gastusan ang kanyang kaso para makakuha ng release order sa korte at sa iba pang daraanan ng kanyang kaso!
Ang tanong: sino-sino naman kaya ang naambunan ng nasabing bente milyones!?
Bahala na kayong mag-isip!
Heavy-gat daw kasi ang padrinong taga-Malacañang kaya wala raw nagawa ang korte at isang mataas na opisyal ng BI kundi pikit-matang pumirma ng release order ni Ku Ja Hoon!?
Sonabagan!!!
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
