Kaye, minamadali na ng ina para mag-asawa

ni  Mildred A. Bacud

MAY pressure na rin pala kay Kaye Abad na mag –asawa na lalo’t nasa marrying age na rin siya.

Ito na raw ang gusto ng kanyang ina. Pero paano nga namang mangyayari ito ay kaka-break lamang nila ng dating nobyong si Guji Lorenzana after three years of relationship. Hindi naman niya idinetalye kung ano ang dahilan ng break up.

Sadyang may mga bagay lamang daw silang hindi napagkasunduan. Biro pa nga ng press people na naroon sa presscon ng Annaliza, ay baka raw walang suwerte sa singer o vocalist ng banda si Kaye.

Magkasunod kasing hindi nag-work out ang relasyon ni Kaye sa dalawang singer. Pabiro namang sagot ng aktres ay next time dancer naman ang hahanapin niya.

But in fairness kahit loveless ay blooming pa rin si Kaye. Kahit daw kasi broken hearted dapat ay hindi pa rin nito pinababayaan ang sarili.