HATAW! D'yaryo ng Bayan hatawtabloid.com
PROBLEMA n’yo ba ang kawalan ng oras para makapag-work-out? Problema n’yo rin ba ang sobrang timbang o lumalaking katawan? Pwes, ito na ang kasagutan sa mga problema n’yo, ang libro ni Edward Mendez, ang Your Dream Body Come True.
Kung lahat ng weight-loss programs ay nagsasabi na bawasan ang ating pagkain ng kung ano-ano, kakaiba naman ang fitness principle o pilosopiya ni Edward, Eat More, Exercise Less.
Ito ang nakapaloob sa libro niyang, Your Dream Body Come True. Nakapaloob sa libro ang guidelines at steps on fitness training at proper food intake na makatutulong sa isang personalidad na ma-achieve ang kanyang goal hindi lamang ang makapagbawas ng timbang, bagkus ang makamit o magkaroon ng inaasam na magandang pangangatawan.
Actually, sinubukan ni Edward ang iba’t ibang challenge sa kanyang career. Ngayon, ang ABS-CBN artist at official Sexy Solutions by Belo fitness consultant ay may advocacy para sa good health at fitness sa pamamagitan ng bagong level, ang paggawa nga ng libro.
Sa libro’y idinetalye ang personal health at fitness journey ni Edward mula sa pagiging overweight young adult hanggang sa makamit ang “dream body”na inaasam niya. Dahil sa extensive study at researches sa US ni Edward, nakatulong ito sa kanya para magkaroon ng wisdom to put in motion a fool-proof system to realize this goal. Ang sikreto aniya, ay galing sa training at optimum nutrition.
Ipinanganak si Edward sa ‘Pinas at lumaki sa Maryland, USA na roon siya nag-aral at nagpakadalubhasa para mabuo o makuha ang wisdom in precision training at optimum nutrition. Nakatulong sa pagbuo niya ng libro ang malalim na pagkaunawa at hilig sa sports science and medicine. Naging daan din ito para mas maunawaan niya kung bakit at ano ang nais ng isang tao para magkaroon ng magandang pangangatawan.
Ilan sa mga tinutulungan ni Edward para magkaroon ng dream body sina Ces Drilon, Martin Nievera, Dr. Vicki Belo, at Cristalle Henares. Kaya naman sa Belo’s Sexy Solutions, ang program ni Edward ay in-demand sa non-surgical arm ng Belo clinic na naka-focus sa pagpapa-payat bagamat kasama rito ang technology, fitness, at tamang nutrisyon.
Ang Your Dream Body Come True ni Edward Mendez ay mabibili sa lahat ng National Book Store outlets, Fullybooked, Belo Medical clinics, Sexy Solutions clinics, at Zalora.
So, ano pa hinihintay n’yo, bili na kayo ng libro para ma-achieve n’yo na ang pinapangarap na katawan.
ni M.V. Nicasio
