HATAW! D'yaryo ng Bayan hatawtabloid.com
ni Maricris Valdez Nicasio
KAHANGA-HANGA ang ginagawang pagtulong ng magaling na singer na si Token Lizares. Mula noon hanggang ngayon, hindi siya tumutigil sa pagtulong.
Napag-alaman naming gumagawa siya ng concert para lamang ibigay ang kinikita niyon sa mga foundation na tinutulungan niya. Tulad ngayong March 22, isang konsiyerto ang muli niyang gagawin, ang My Token of Love na special guest niya sina German Moreno, Michael Pangilinan, Prima Diva Billy, Niza Limjap, A.J. Tamisa and Lee Chazz, at Richard Poon. Ito’y mula sa musical direction ni Butch Miraflor. Front act naman ang kapatid na manunulat na si Alex Datu.
Gagawin ito sa Teatrino Greenhills, San Juan, 7:30 p.m.. For ticket inquiries, please call Ticket World (02) 891-9999.
Isang fundraising event ito na ang kikitain ay ilalaan sa renovation ng Holy Family Home, Bacolod Foundation Inc.-Re-insertion Center. Ito raw ay extension ng center para sa mga college girl na sinasanay para mamuhay independently bilang paghahanda sa kanilang re-integration sa society.
Ang Holy Family Home-Bacolod Foundation Inc., ay isang institution na nagbibigay ng masisilungan, proteksiyon, prevention, at rehabilitasyon sa mga abandoned, neglected, orphaned girls. Ito ay isang non-stock, non-profit, at non-government organization na pinamamahalaan ng Congregation of the Capuchin Tertiary Sisters of the Holy Family, a Congregation with Franciscan-Amigonian Spirituality.
Kaya watch na kayo, nakatulong na kayo, nag-enjoy pa kayo sa mga handog na musika ni Token at ng kanyang mga special guest.
