HATAW! D'yaryo ng Bayan hatawtabloid.com
PUSH NA’YAN
ni Ambet Nabus
PROUD ang GMA 7 artist center kina Sparkle artists Martin Del Rosario at Migs Almendras dahil sa tagumpay na natamo nila sa katatapos na Cinesilip Film Festival awards night.
Nagwagi si Martin bilang Best Actor para sa pelikulang Haplos sa Hangin. Ang pelikula ring ito ang nakakuha ng 3rd Best Film, Best Screenplay, at Best Musical Score.
Sey ng ilang netizens, “Magaling naman talaga si Martin del Rosario kahit anong role ibigay sa kanya, kayang-kaya niya. Congrats.”
Sa maikling tsika namin kay Martin during the awards night, sinabi nitong marami ngang nagsasabi sa kanya na malaki ang chance niyang manalo that night.
“Ayaw ko man pong umasa pero masarap makaramdam ng ganoong papuri. Siguro iiyak ako sa tuwa,”sey nito sa amin. Hindi nga lang namin nakita kung umiyak nga ito.
Samantala, nanalo naman bilang Best Supporting Actor si Migs na gumanap bilang si Maki para sa pelikulang Dreamboi.
Komento ng aktor sa kanyang Facebook post nang may nagtanong kung umaasa siyang makakuha muli ng isa pang award sa upcoming film.
Sagot niya, “I’m at this stage in my life where I’m just enjoying and having a great time. Bonus na lang ‘yung ganoon for me I guess.”
Magkasama rin ang dalawang aktor sa pelikulang Multwoh (Patay na Patay Sa ’Yo) isa sa mga official entry para sa Puregold CinePanalo Film Festival 2026.
