I’m Perfect tamang-tama sa araw ng Pasko!

MATABIL
ni John Fontanilla

ISA ang pelikulang I’m Perfect ang dapat panoorin at suportahan Metro Manila Film Festival 2025 ng Nathan Films ng pamilya Atayde.

Ito ang kauna-unahang pagkakataon na may entry sa MMFF na ang kuwento ay ukol sa mga down syndrome at sila mismo ang bida. 

Ayon kay Sylvia Sanchez, nag-pitch sa Nathan Films ng dalawang pelikula si direk Andrea Sigrid Bernardo. Ang una ay para sa mag-asawang  Arjo Atayde at Maine Mendoza at pelikulang pagsasamahan nila ni Angel Aquino, pero pareho niya itong tinanggihan pansamantala.

Pero nang i-pitch sa kanya ni direk Sigrid,  ang I’m Perfect na 2014 pa pala nito naisulat, nagustuhan niya. Kaya ito ang pelikulang kanilang ginawa.

Sampung itinuturing na anghel ni Sylvia ang kasama sa I’m Perfect, dalawa ang bibida at walo naman ang lalabas na kabarkada. May mga makakasama rin silang autistic at may cerebral palsy sa pelikula na ayon sa premyadong aktres, pare-perohong mahusay umarte.

Makakasama ng sampung bata na may down syndrome sa I’m Perfect ang mahuhusay na actor sa bansa na sina Sylvia, Lorna Tolentino, Joey Marquez, Janice de Belen at mapapanood na sa December 25, 2025.