Kris Bernal iginiit ‘di ginagaya si Heart 

MATABIL
ni John Fontanilla

MARIING pinaulaanan ni Kris Bernal na ginagaya niya si Heart  Evangelista.

Sa guesting ng aktres sa LOL Your Honor segment ay biniro ito ni Chariz Solomon at sinabing, “‘Yung feeling Heart Evangelista ka raw. Anong masasabi mo roon?”

Natawa si Kris sa biro at tanong ni Chariz na sinagot nito ng, “Hindi ko alam, bakit? Ah, kasi kung feeling Heart Evangelista ako, eh ’di sana mayroon din ako niyong mga Bvlgari niya, lahat ng alahas niya.

“O kaya mayroon ako ng kasing dami ng Birkin. Eh ’yon, wala naman akong mga ganoon. Diyos ko!”

Dagdag pa ni Kris na kaysa bumili siya ng mga luxury brand, mas priority niya ang matapos ang kanyang dream house.

At nang matanong ito kung anong masasabi sa mga taong nagmamay-ari ng mga luxury item, para kay Kris, isa itong inspirasyon para mas magtrabaho pa siya nang mag trabaho para makabili.

“Nai-inspire ako na parang kailangan ko pang magtrabaho, o parang gusto ko pang mag-open ng business para mabili ko ’yan,” ani Kris.