Jak sa relasyon kay Kylie: girl bestfriend

MA at PA
ni Rommel Placente

TINANONG ni Boy Abunda si Jak Roberto nang mag-guest ito sa kanyang show na Fast Talk With Boy Abunda kung may chance ba na ligawan at maging dyowa niya si Kylie Padilla. 

Magkasama kasi ang dalawa sa serye ng GMA 7, at maraming nagsasabi na bagay sila. At pwedeng ligawan ni Jak si Kylie dahil pareho naman silang single.

“You know, Tito Boy, hindi siya mahirap mahalin. Napaka-open, genuine, and napakatalinong kausap.

“So for me, wala naman sigurong guy na hindi mai-in love sa kanya dahil ganoon siya ka-genuine na tao.

“And kung bibigyan ako ng chance, siguro hindi pa ngayon. Kasi gusto kong ingatan kung anong mayroon kami ngayon bilang close na magkaibigan,” ang sagot ni Jak.

Sundot na question ng King of Talk, “Why will you not take the chance?” 

Tugon ng aktor, “May ganoon, eh, parang kapag nakita mo na siya, first ko kasi na magkaroon ng girl bestfriend if ever. Parang ganoon na kasi ‘yung treatment ko sa kanya.”

Sa nasabing panayam, itinanggi nga ni Jak na nililigawan niya si Kylie, “Hindi po. Hindi po. We’re so comfortable with each other kasi nagka-work na rin kami before, sa ‘Bolera.’

“Natuwa ako sa kanya katrabaho kasi she’s so open sa mga eksena. Wala na siyang parang mga wall and inbihitions. Mahusay siya, sobra.

”Masarap kausap. Marami siyang gustong ipaglaban. Marami siyang mga gustong gawin and i-discover,” aniya pa.